ولاردىڭ سوزىنە قاراعاندا, سوڭعى 10 جىلدا احۋال 2,5 ەسەگە جاقسارعان. بىلتىر قاتەرلى ىندەتتى جۇقتىرۋدىڭ 353 فاكتىسى تىركەلگەن. بۇل كورسەتكىش 2017 جىلمەن سالىستىرعاندا 5,4 پروتسەنتكە تومەن. ديسپانسەردە تۋبەركۋلەزدى ەمدەۋدىڭ جاڭا ادىستەرى كەڭىنەن قولدانىلادى. جەكە جانە قىسقا ەمدەۋ بويىنشا 55 ناۋقاس ەم-دوم قابىلداعان. بۇرىندارى دىمكاس جاندار ەمدى 2 جىلعا دەيىن قابىلداسا, قازىر ەمدەلۋ مەرزىمى ەكى ەسەگە قىسقارعان. زەرتحاناعا قۇنى 52 ميلليون تەڭگە تۇراتىن “باكتەك” اپپاراتى ساتىپ الىنىپتى.
«مەكەمەدە تتۋبەركۋلەزدى دەر كەزىندە انىقتاۋ ءۇشىن مولەكۋليارلىق گەنەتيكالىق ادىسپەن انىقتايتىن “Gene xpert”قۇرىلعىسى, «Bactec mgit» قوندىرعىسى جۇمىس ىستەيدى. ولاردىڭ كومەگىمەن تۋبەركۋلەزدىڭ كەز كەلگەن ء تۇرى وڭاي انىقتالادى. 74,7 مىڭ بالا تەكسەرۋدەن ءوتتى. 5,1 مىڭ بالاعا دياسكەنتتەست قولدانىلدى», دەيدى ديسپانسەردىڭ ءبولىم مەڭگەرۋشىسى كەنجەگۇل ءارىپوۆا.
وڭىردە قاۋىپتى دەرتتى جۇقتىرۋ مەن ودان بولاتىن ءولىم-ءجىتىم سانى ازايعانىمەن, ءالى دە وزەكتى. وتكەن جىلى 350 مىڭداي ادام فليۋروگرافيالىق تەكسەرىلۋدەن ءوتىپ, 200-دەن استامىنان قاتەرلى دەرت تابىلعان. تەك بيىلدىڭ ەكى ايىندا 12 بالانىڭ وسى اۋرۋعا شالدىققانى بەلگىلى بولعان.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
